再過一晚便正式成為梁太了，有人會問我準備好未，心情上真係無好大既轉變，今日回到家裏覺得家裏真的很舒服，空間大一點，休息多一點，自己的空間多一點，兩個人一起建立一個家，要花的時間更多，這樣悠然的一晚可以寫下日記。
出嫁了，也沒很多時間扮靚，日日都忙著工作，返到公司就做，人都顛了，難得休息。
很久沒上來了，已經有成半年了，這半年的變化實在太大了，先講下近況。
四月開始和男朋友接手了 大埔明皇迴轉壽司來做，是的，男朋友也是半年前才開始拍拖呢，係咪好快呢，話咁快搞左四個月了，大小的事務纏身，大家都知道食物成本上漲，所以忘於搞加價的事，人手的安排又常常令人傷腦筋。
還有感情的事，和男朋友一起不久，但已打算結婚，而且想在今年尾進行，是否太快呢﹗如果問我地係咪好夾，我覺得一般啦，大家諗野有時都幾唔同，在工作上多了爭執，又或者真係拍拖的時間也不長，不過大家都係認真，不是鬧著玩，不可以說開心就一齊，唔開心就分家，他都疼我既，不過方式不同，有時都會有點壓力，都會有唔開心既時候。結婚的事宜還沒有空去處理，不知怎算，每日忙著行不開，明白到做生意的辛苦，也賠上了自己的自由，希望會得到應有的回報啦。
| Gloria Tsang's birth date says this about them: |
You are a great team worker and you can act like a cohesive force that is able to bring many people together for a common cause. You excel in professional life and at the same time you are also a very social person. Beyond being a good leader, you are also a good inspiration for others. You keep your emotions in check - you know when to express and when to repress. |
實在有太耐無寫日記了，日日都唔夠訓，根本都沒有心情執筆寫字，欠下了成個月的日記，今日決定寫返blog先，還是喜歡晚上坐在電腦前呆坐，諗下野才有心情寫日記。而且寫blog的對象是大家，寫日記又唔同。
今日同Brian一起join case去屯門見了一個cold call，最近見d cold call有些都幾好傾，之前一個同另一個同事去見，一齊見客都幾好呀，互相學習，互補不足，又多個伴真開心，有傾有講又一日，keep 住見人感覺都好d，感覺充實d無咁悶，遇到些人好傾的都幾開心呀，就算不成為客人，相識一場都開心呀。
星期六考證監試卷一，呢幾日都溫書，還會和同事一起溫，又係一加一多過二，一齊的力量真好，雖然時間有限，陪得對方自己又會用左一些時間，但係一齊既時候多個意見多個伴會開心d。
